jueves, 15 de diciembre de 2011

Observacións recentes na beira norte da ría de Vigo


Hoxe (15/12) durante a realización do censo semanal de Gaivota cabecinegra na beira norte da ría de Vigo (costa de O Morrazo), varias observacións de interese, coincidindo coa sucesión de frontes asociadas á borrasca situada ao noroeste de Gran Bretaña, e que deixa en Galicia ventos moderados do suroeste.


No mar, fronte á praia de O Con, en Moaña, un exemplar de Carolo (Alca torda). Na zona mariña entre a praia de Río da Ribeira e A Videira, en Tirán, Moaña, tres exemplares de Mergo cristado (Mergus serrator).


Tamén un exemplar adulto, con plumaxe de inverno, de Gaivota pequena (Hydrocoloeus minutus).


Dous exemplares femias/xuvenís de Pentumeiro común (Melanitta nigra), xunto a 7 exemplares de Mergullón (Podiceps nigricollis).

Tamén pola zona intermareal de Punta Balea (Darbo, Cangas), dous exemplares de Gaivota arxéntea, un exemplar adulto e un exemplar coa plumaxe de 3º inverno. Levan pola zona dende finais de outono.


O pasado día 05 de decembro, un exemplar de Mobella grande (Gavia immer) fronte á praia de Rodeira, en Cangas.

Un saúdo.

miércoles, 14 de diciembre de 2011

En memoria de Ánxel Vila


O pasado día 12, faleceu Ánxel Vila, patrón do “Xurelo” de Ribeira, que loitou pola defensa do mar, opoñéndose coa súa embarcación, e xunto a simpatizantes de Greenpeace, os vertidos realizados por mercantes holandeses de residuos nucleares na Fosa Atlántica, polo ano 1981.
Dende este humilde blogue, dar as grazas a Ánxel… grazas por defender o noso mar da barbarie e a ignorancia… Descansa en paz.

sábado, 15 de octubre de 2011

Agrávase a situación dos lumes forestais en Galicia





Nestas últimas 48 horas agravouse a situación dos incendios forestais que están asolando a provincia de Ourense, con dúas concentracións de lumes nas comarcas da Baixa Limia e Terra de Trives. Estas dúas zonas forman parte dos espazos naturais de maior interese de Galicia, constituído polas serras de Queixa, San Mamede e O Burgo (na comarca de Terra de Trives) e a serra de Xurés (comarca da Baixa Limia).

Segundo datos cartográficos extraídos do Sistema Global de Gestión de Información sobre Fuegos (GFIMS, nas súas siglas en inglés) a situación é a seguinte (ver documento gráfico superior):


Na concentración de incendios forestais da Baixa Limia (PUNTO nº 1), os lumes están afectando dende o día 13 de outubro ó Parque Natural da Serra do Xurés nunha superficie superior a 20 Ha. (dato a todas luces “desfasado” pero non existe información actualizada na páxina da Consellería de Medio Rural da Xunta de Galicia, nin unha superficie afectada aproximada do espazo natural protexido, ver enlace).

Debemos salientar que é máis que probable que parte da superficie ocupada pola poboación de Lirio do Xurés (Iris boissieri Henriques) endemísmo do NW ibérico (Galicia e norte de Portugal) foxe afectada polos lumes forestais. Lembrar que o Lirio do Xurés está catalogada como En Perigo de Extinción no Catálogo Galego de Especies Amezadas (Decreto 88/2007 do 19 de abril).

Na concentración de incendios forestais da comarca da Terra de Trives (PUNTO nº 2), os lumes están asolando o espazo natural da Rede Natura 2000 “Macizo Central” nunha superficie, que poderíamos indicar como “indescifrable” (podedes acceder á páxina de comunicación institucional da Consellería de Medio Rural da Xunta de Galicia onde se publican os datos de superficies afectadas polos lumes forestais e “sacar” as vosas conclusións, enlace aquí).

O Parque Natural O Invernadeiro está, polo momento, saíndo indemne desta “ola” de incendios forestais, probablemente porque a titularidade dos terreos deste Parque Natural son públicos, e non teñen ningún interese para aproveitamento agropecuario.

Por último, continúan ardendo zonas cultivadas con especies pirófitas nas comarcas costeiras da provincia de Pontevedra, (PUNTO nº 3) especialmente na zona de Campañó.

ACTUALIZACIÓN 16 de outubro de 2011: Desgraciadamente o Parque Natural O Invernadeiro está sendo afectado por un incendio forestal de grandes proporcións nestes intres, e o total de superficie afectada no Macizo Central é de máis de 1.500 Ha. Máis información neste enlace: http://www.elpais.com/articulo/Galicia/Ejercito/despliega/367/soldados/combatir/fuego/Macizo/Central/ourensano/elpepuespgal/20111016elpgal_3/Tes

Un saúdo.

lunes, 26 de septiembre de 2011

viernes, 16 de septiembre de 2011

El fuego nuestro de cada año


Como todos los años por estas fechas, asistimos una vez más a la ceremonia de la confusión al analizar las consecuencias de los incendios forestales, especialmente virulentos en Galicia. Basta con fijarse en los escenarios que eligen los reporteros televisivos para comprobar que quizá han ardido los montes gallegos, pero desde luego no los bosques gallegos.



Por desgracia, hace mucho tiempo que los auténticos bosques pasaron a la historia y ese es el quid de la cuestión. Padecemos olas de incendios forestales porque no arden bosques, sino cultivos. El decorado que rodea a la mayoría de los corresponsales es inequívoco: pinos o eucaliptos chamuscados. Todo lo más, algún tojal, etapa de sucesión del bosque degradado. Así pues, soslayado hace tiempo el auténtico problema ecológico, los incendios adquieren una dimensión puramente económica. Se trata de evaluar las pérdidas, de decidir el destino de la madera quemada, de evitar que caigan los precios, de arbitrar medidas para recuperar los montes, es decir, los cultivos madereros. Y vuelta a empezar.

Nadie habla de rehabilitar el bosque, las auténticas carballeiras gallegas, salvo cuando se hace de manera equívoca y con la evidente intención de confundir los términos adrede. Nada tiene que ver el bosque, una formación espontánea, rica y diversa, con ese ejército de árboles maderables, simple y monótono, que se ha apoderado de los montes gallegos.


Esos mismos montes butaneros que ya denunciábamos hace 25 años. El objetivo se reduce pues a resarcirse de las pérdidas sufridas por un mero cultivo, como si del pedrisco se tratara. Nadie habla de catástrofe ecológica cuando se pierde la cosecha de peras. ¿Por qué sí se hace cuando se pierde la cosecha de celulosa? Mucho nos tememos que el efecto no es casual, sino buscado. Los periodistas, con escasa formación ambiental, caen todos los años en la trampa tendida por políticos, ingenieros y propietarios.

Como bien reclama la veterana Asociación para a Defensa Ecolóxica de Galiza (ADEGA), las ayudas no pueden seguir destinadas a alimentar la industria del fuego ni a incrementar los impactos que generan los incendios, sino a rehabilitar el auténtico bosque y a favorecer las actividades sostenibles que se desarrollan en el mundo rural. Otro veterano grupo ecologista, la Asociación para la Recuperación del Bosque Autóctono ARBA), insiste en el mismo sentido: “una vez quemado el bosque o las plantaciones de pinos y eucaliptos, se debería dar prioridad a la hora de reforestar a las especies autóctonas, propias de cada zona, y no seguir repoblando con las especies pirófilas”.


En definitiva, el mal es crónico y no se ataja. Al revés, se insiste en mantener las mismas actuaciones año tras año, que ya han demostrado ser ineficaces y solamente sirven para cerrar un círculo vicioso. El año que viene volverán las llamas, las noticias alarmantes y los artículos editoriales en Quercus. Nada cambiará mientras no lo haga la política forestal.

Texto: Extraído del artículo editorial de la revista Quercus, cuaderno 247, setiembre de 2006. Edita: América ibérica. ISSN: 0212-0054. Depósito legal: M-1778-82
Fotografías: Réflex NIKON D300 con objetivo AF-S DX Zoom-Nikkor 17-55mm f/2.8G IF ED.
Un saúdo.

viernes, 9 de septiembre de 2011

Actitis macularius en Meira, Moaña



Hoxe (09/09/11) despois de realizar o censo de Gaivota cabecinegra, na Enseada de Meira, Moaña (Pontevedra) observei este exemplar adulto de Bilurico maculado (Actitis macularius) en plumaxe de transición de verán a inverno.



ACTUALIZACIÓN 2: Hoxe día 11/09/11, continuaba o exemplar adulto de Bilurico maculado (Actitis macularius) na zona de Meira (ver mapa adxunto), observado por Oscar Santomé e Marta Santomé.


Un saúdo.

jueves, 1 de septiembre de 2011

II Andaina pola protección da serra do Galiñeiro


Por unha serra sen eólicos

- Día: Domingo 18 de setembro de 2011

- Saída: Capela do Monte Aloia as 11:00 h

- Chegada: Parque Forestal do Galiñeiro (Vincios) 15:00 h

- Ruta lineal de aproximadamente 10 km (3-4 horas)

- Á chegada lerase o manifesto. Poderás adquirir a túa camiseta do Galiñeiro. Faremos un xantar popular coa comida que traia cada un. Haberá música e animación.

- Recoméndase levar:

· Calzado cómodo

· Auga e comida para o final

- Autobuses desde Vigo e Vincios. Necesaria inscrición previa *

- Zonas de aparcadoiro no Aloia, Galiñeiro e Prado*

Convoca a Plataforma pola Protección da Serra do Galiñeiro: A Ría Non de Vende, ADEGA, A.C. Berra Val Miñor, AGA (Asoc.Galega Apicultura), Amigos da Terra, Asoc. ”Festa da Prehistoria”, Asoc. Trece Catorce, Asoc. Veciñal Casco Vello, Asoc. Veciños de Vincios, Asoc. A Groba, Asoc. Mundo Minero, C.C. As Pedriñas, C.M.V.M.C. de Chaín, C.M.V.M.C. de Couso, C.M.V.M.C. de Vincios, C.S. A Revolta, Club Escalada Montaña Azimut, Club Montañeiros Celtas, Club Peña Trevinca M.G., Clube de Montaña Xistra, Clube Espeleolóxico Mauxo, C S A Faisca, Federación A.A.V.V. Eduardo Chao-Vigo, Federación Galega Montañismo, Instituto de Estudos Miñoranos, Outrovigoéposible, Plataforma Defensa da Ría Cíes, Salvemos Monteferro, SOS Serra da Groba,Verdegaia.

*AUTOBUSES

· Desde VIGO:

IDA VIGO-ALOIA. Saída ás 9:30 da mañá dende a Praza de España de Vigo en dirección ao Monte Aloia.

VOLTA VINCIOS- VIGO. Saída ao remate do xantar e das actividades ás 18:00 horas dende o polígono da Pasaxe en Vincios.

O prezo é de 5 € por persoa

· Desde VINCIOS:

VINCIOS-ALOIA. Saída ás 9:30 da mañá dende a gasolineira do Polígono da Pasaxe. Non hai autobús de volta xa que o punto de chegada é Vincios.

O prezo é de 3 € por persoa

Para facer a inscrición envía os teus datos a través da web de Montañeiros Celtas (enlace a http://www.celtas.net/glg/actividades.php) e ingresa os cartos co teu nome, DNI e punto de partida na conta de Novacaixagalicia 2080 0000 72 0040260769. Se podes envía un xustificante a presidente@celtas.net ou por fax 986 912 220.

*APARCADOIROS

Os puntos de aparcamento para coches particulares estarán sinalizados en:

· Monte Aloia

· Galiñeiro - Vincios

· Prado (fronte a Capela) para quen queira deixar o coche no medio da ruta

Desta maneira podedes facer os seguintes percorridos

· Percorrido lineal:

Se ides en varios coches aparcade un no Galiñeiro e outro no Aloia e coordinádevos para a ida e o regreso.

· Percorrido parcial:

- Aparcade en Prado e unídevos á marcha nese punto para regresar ao final da marcha a Prado.

- Aparcade en Prado, unídevos á marcha nese punto, e coordinade cun segundo coche no Galiñeiro para regresar a Prado.

· Percorrido circular:

- Aparcade na zona do Galiñeiro coa suficiente antelación para facer o percorrido ata o Aloia e chegar á Capela ás 11:00 horas para comezar a andaina co resto dos participantes.

- Aparcade na zona de Prado, coa suficiente antelación para facer o percorrido ata o Aloia e chegar á Capela ás 11:00 horas para comezar a andaina co resto dos participantes.

- Aparcade no Aloia e comezade a Andaina ás 11:00 horas e despois regresade desde o Galiñeiro para recoller o coche.

Proximamente publicaremos na web un plano cos puntos de partida dos buses e os aparadoiros

Máis información:

- Montañeiros Celtas 986 438 505 en horario de 19:30 a 21:30 de luns a venres

- Tereixa 607522018